33.8 C
Manila
Friday, March 29, 2024

Kapolisan sa Rehiyon Onse andam sa Posibleng pagpangatake atol sa Anibersaryo sa NPA

- Advertisement -

Davao City Gipatuman karon sa Police Regional Office ang hugot nga seguridad sa nagkalain-laing dapit sa rehiyon atol unya sa pagsaulog sa Pasko ug pagsugat sa Bag-ong tuig 2019. Kini human nga gilauman ang posibleng pagpangatake usab sa rebelding New Peoples Army kun NPA nga magsaulog sa ilang ika-50 nga anibersaryo sa Disyembre 26 ning kasamtangang tuig.

Nasayran nga gipakanaug karon sa Police Regional Office (PRO)-Davao Region ang full alert status ang tibuok rehiyon nunot sa direktiba gikan sa Camp Crame sa kaulohan.  Tanang buhatan sa kapulisan sa rehiyon gipa-igmat gumikan sa posibleng pag-atraka sa NPA diha sa paghimo sa ilang mga pagpangsulong sa mga istasyon sa polis ingon man ang pagpanghasi sa komunidad.

“In compliance to the directive of the Chief PNP, PRO-Davao Region, immediately ordered the Unit Commanders within Region 11 to keep their personnel intact,” tipik sa pamahayag sa PRO-Davao Region.

Dugang pa, “well, we have our mobile units in the cities and provinces. We do not take this threat from the CPP-NPA lightly knowing that this terrorist group has been known to launch offensive attacks against government forces, structures and even to the common civilians.”

Ang kapulisan nanawagan sa komunidad nga gilayong moreport sa pinakaduol nga istasyon sa polis kung dunay mamatikdan nga mga NPA sa ilang dapit.

“We call on our people to be wary of the pattern of deception of the communist NPA terrorists; to be proactive and to be part of the conscious effort to deny them of the chance to regain strength,” sulti ni Chief Supt. Marcelo Morales, direktor sa PRO-Davao Region.

Karong Disyembre 26 ang ika-50th anniversary sa komunistang pundok nga NPA sa nasud.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -