CAGAYAN DE ORO CITY- Gikonpirmar sa Comelec-Region 10 nga adunay bug-at nga basehan ang reklamo sa usa ka abogado labot sa pasangil sa pagpamalit sa boto sa grupo ni Kanhi Camiguin Governor Maria Luisa Romualdo. Kini human gitahasan ni COMELEC Regional Director Renato Magbutay si Gingoong City Election Officer Dexter Nagtalon nga imbestigahan ang reklamo nga giduso ni Atty. Homer Mabale batok sa kanhi gobernador sa isla.
Sa pamahayag ni Atty. Magbutay, apil nga ipaimbestiga sila si Mayor Rogelio Acle sa lungsod sa Mahinog, Rey Lawrence Tan, Kindred Jajalla, Shella Babanto, Ramil Bayucot, Neolida Salon, Winlove Labadan ug laing tulo ka sibyahan.
Ang maong hitabo natigayon niadtong Mayo 9, 2016 nga eleksyon diin matud pa sa reklamo nga aduna silay nakuha nga video footage nga madunggan ang panagsabot kon unsaon pagpaabot ang suporta sa ilang gipaluyuhan nga mga kandidato ubos sa partidong Liberal.
Apan ang maong pasangil ang una nang gihimakak ni Romualdo.25