Kalit Nga Way Kuryente Miigo Sa Mindanao

by RPN
0 comment
Kalit Nga Way Kuryente Miigo Sa Mindanao

Dakong bahin sa pulo sa Mindanao apil na sa Cagayan de Oro ang nakasinati sa wa maschedule nga pagkapalong sa kuryente kagahapon, Huwebes, Nobyembre 8 tapos nga naapektuhan ang transmission sa National Grid Corporation of the Philippines o NGCP.

Sa usa  ka advisory, and NGCP nagsugilon nga adunay grid disturbance nga ilang gi-monitor mga alas diyes y medya kagahapon nga miresulta sa pagkawala sa supply sa kuryente sa northewestern ug northeastern Mindanao.

Sa inisyal nga imbestigasyon sa report nga adunay tinuyo nga vegetation toppling sa Baloi-Agus 2 transmission line nga miresulta sa pagkapalong sa kuryente sa dakong bahin sa Mindanao, matud pa sa statement sa NGCP. Kagabii, ang NGCP nagbutyag nga ila nang nahibalik ang transmission services ug nioperate na nga normal gawas lang sa Agus-2 Baloi line nga ila pang giplastar. Gawas sa syudad sa Cagayan de Oro , naapektuhan usab ang Misamis Oriental, Iligan City, Butuan, Pagadian, Bukidnon, Davao ug uban pang dapit.

Sumala pa ni Assistant Vice President Marilyn Chavez sa Cagayan Electric Power & Light Company Inc. o CEPALCO, moabot sa 90% sa dapit nga ilang giserbisyuhan ang apektado kagahapon.

Sa kabahin sa NGCP, sila nanawagan sa tanang stakeholders sa pagbantay sa mga linya niini ug sa pagtahod sa right of way clearances. Kon aduna may mga katingalahang kalihokan, mahimong i-report gilayon sa hotline numbers sa NGCP: 0917-847-6427 o sa 0918-847-6427.

Related Posts

Leave a Comment