Tagpahibayo ni Konsehal Baltazar Batang Abian, an chairperson nan committee on health and sanitation sa Sangguniang Panlungsod na hangtod kuman padajon an nasinate nan mga otoridad sa maayong panglawas sa dakbayan an wayay supply nan anti-rabies vaccine para sa tawo partikular na sa jadton mga tagka-bangaan nan mga ido.
Laong pa ni konsehal Batang na bisan kun jaoy unta kwarta na ikapalit, mismo man an mapalit na vaccine an waya, bisan sa pribadong mga parmasya nihit gajod an supply. Dugang pa sa nasangpit na dili lamang kun dinhi sa ato an pag-nihit kun dili nasinati ini sa tibuok nasud.
Tungod sa sitwasyon nag-awhag an mga otoridad sa katawhan sa dugang pag-ignay para dili mabiktima partikular na sa mga binangaan nan mga ido, dungang sa pag-awhag sa City Veterinary Office sa pag-pahingusog pa sa kampanya kontra rabies para mahilikay an katawhan sa risgo sa rabies labi na sa inin sitwasyon na nagkuyang nan dako an anti-rabies vaccine.