Pasahe sa eroplano inaasahang magtataas na rin
September 11, 2018
NFA handa sa nagbabantang malakas na bagyo sa bansa
September 11, 2018
Show all

DXKO CDO
Kadamay molusad sa signature campaign batok Train law dinhi sa CDO

Usa ka urban poor group ang gikatakda nga mopahigayon sa usa ka mass demonstration sa syudad Cagayan de Oro aron sa pagprotesta sa di pa mapugngan nga pagsaka sa presyo sa palaliton diin ilang gibasol diha ang pagpatuman sa Tax Reform for Acceleration and Inclusion or Train Law.

Ang Kalipunan ng Damayang Mahihirap (Kadamay) dinhi sa Amihanang Mindanao mohimo sa pagrecorrida tuyok sa dakbayan sunod semana aron sa pagpadayon sa signature drive batok Train law ug Martial law dinhi sa Mindanao.

Ang recorrida usa ka public address system nga pinaagi sa pagsakay sa sakyanan.

Ang grupo nagtinguha sa pagkuha sa 10 mil ka mga signatures sa tibuok Region 10.

Matud pa ni Kadamay-Northern Mindanao Secretary General Francisco Pagayaman nga ang high inflation rate nga nasinati sa bulan sa Agosto maoy resulta sa Train Law nga nakaapektar pag-ayo ilabi na sa mga kabus.

Matud niya, ang low minimum wage nga mga trabahante mao ang hilabihan nga naapektuhan kay dili na makaapas sa taas nga presyo sa mga palaliton ug serbisyo.

Ang maong grupo nagtukmod usab sa P750 across the board nga minimum wage sa mga trabahante.

Sa pikas bahin, ang mga protesters magkahugpong usab sa anibersaryo sa Martial law ni kanhi President Ferdinand Marcos sa September 21 aron sa paghiusa sa ilang panawagan sa pagtapos na sa kasamtangang military rule sa Mindanao, pagwagtang sa tax reform law ug pag-usbaw sa suhulan sa mga trabahante.

Leave a Reply

Your email address will not be published. Required fields are marked *