Bacolod city – ang insidente natabo alas 6:15pm sang gab-i, sa Purok nami nami-1, Brgy. Sum-ag, Bacolod city.
Ang biktima gin kilala kay Roque Gargarita, 60 anyos, Minyo kag pumuloyo sang Brgy. Zone-6, Pulupandan, Negros ociidental.
Ang suspetsado naman nga yara subong sa lock cell sang Police station-9, amo si Fiderico Asuncion, 56 anyos, wala asawa kag pumuloyo naman sang purok mainuswagon, brgy. Antipulohan, bago city.
Suno sa panaysayon ni Mary jane Candido Hildory, Sabado nga adlaw, sang iya ginpamalihogan ining biktima, bangud may ara ini tricycle, nga maghakot sa iya nga gamit halin sa shopping pakadto sa purok nami-nami,
Kag ini namang suspetsado ang yara sa balay nga pagasaylohan ni Maryjane, bangud ini ang gina sugo sugo man sa hinablos ni maryjane.
Sa amo nga tion, naga inom inom sang vino de pataranta ining hinablos ni maryjane kag ang suspetsado samtang nagaplano sa ila obrahon nga project sa amo nga balay.
Sang mag abot na ang tricycle, mga alas 6:15 sang gab-i, sang gapangkakas palang sa bugkos sa mga gamit ang biktima. Hinali lamang nag palapit ang suspetsado kag ginhandusan sa tuo nga bahin sa dughang ang biktima.
Dali man sya gilayon nga gindala ni Maryjane hildory sa south bacolod general hospital apang ini ang gindeklara nga dead on arrival sa attending physician na si Dr. Kenneth Herradura.
Suno ni police senior inspection John christopher m. Masangkay hepe sa police station #9, kaso nga murder ang igapasaka sa suspetsado..
Ang patay nga lawas naman sang biktima ang yara sa baxter funeral sa ciudad sang bago..
Ginkumpirmar naman sang Purok Leader sa purok nami nami nga indi nya myembro ang suspek kag ang biktima./ Randy Coronel