28.9 C
Manila
Friday, March 29, 2024

Iriga: Solid Bicol Leni Pueding Mainaan Kun Madagos An Duterte-Marcos O Marcos Duterte Tandem Sa 2022

- Advertisement -

Iriga City – Pueding mainaan an mga suportador ni VP Leni Robredo oras na madagos an pinaglulutong Duterte-Marcos O Marcos Duterte sa 2022 national and local election.

Visit RPN DZKI Iriga

Iyo ini an ipinahayag kan magkapirang political analyst huli sa pagigin makusog kan sinambit ng tandem na mahugot nin boto sa Luzon, Visayas asin Mindanao.

Sa pahayag ni Cong. Joey Salceda kan Albay, makusog si Marcos sa Norting Luzon huli sa inaapod na solid north asin si Mayor Inday Sarah makusog man sa parte kan Mindanao na dakulang bagay sa kapanganahan.

Kun madagos man tandem mismo sa probinsya kan Albay ini dadarahon ni Salceda, sa pahayag kaini sa sarong intrevista.

Sa Camarines Sur, inot naman na nagpost sa social media si dating Cong. Nonoy Andaya kan saiyang suporta ki Mayor Sarah kasabay kan saiyang pagbisita sa cuidad kan Davao kaiba si Dating Defense Sec. Gibo Teodoro. Kun mangyayari an siring na bagay, dakula ining kawaran sa botong makukua ni VP Leni Robredo.

Mientras tanto,may mga naglalakop pa ngunian na bareta na pirang mga aspirante sa pagka-alkalde an inaalok na nin campaign fund kan kampo ni dating Sen. Bong-Bong Marcos sa kantidad na 70 milyones pesos, sa kondisyon na siya an dadarahon na kandidato.

Napag-araman kan Radyo Ronda na pirang mga aspirante an dagos naman na nag-ako sa nasabing alok tanganing maseguro an saindang kapanganahan sa masunod na election.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -