28.9 C
Manila
Friday, March 29, 2024

Iriga: Pagpasupog Sa Mga May Utang Sa Mga Lending Companies, Bawal Sabi Kan SEC-Bicol

- Advertisement -

Iriga City – Higot na pinagbabawal kan ley sa mga lending companies na ipasupog asin bakong makatawong tratamiento sa saindang mga kliyente.

Ini an lininaw kan Secuties and Exchange Commission-Bicol matapos na sabihon ni OIC Director Atty. Norma Tan-Olaya na kontra ini sa “unfair debt collection practices”.

Kabali sa mga binabawal na sistema sa pag-kolekta nin utang iyo an harrashment, pananakot, pagpasupog asin pan-gigipit ki isay man na may utang.

Inot kaini, kadakol an sumbong na naka-abot sa Radyo Ronda na soboot igua nin pananakot na sinda ipapasupog sa publiko sa paagui kan social media kun dai makabayad kan saindang pagkaka-utang.

Kasunod kaini, sinabi kan opisyal na kadakol na mga paagui kun pa’no masisingil nin tama an saindang mga kliyente sa paagui kan pormal na pagsunad nin kaso sa Barangay O kaya sa korte.

Nagpaguiromdom pa man an SEC duman sa mga mautang na kaipuhan na intiendihon nin maray an saindang mga kontrata pinirmahan O term and condition kaini asin makipag-koordinar nguna sa saindang opisina nganing maaraman kun lehitimo O bako an sarong lending company.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -