Naging matagumpay ang paglulunsad ng On-site Konsulta Registration ng Philippine Health Insurance Corporation (PhilHealth) na ginanap sa Legazpi City Convention Center kahapon, Setyembre a-syete.
Naisakatuparan ang naturang on-site registration sa tulong ng Provincial Government of Albay, LGU Legazpi sa pamamagitan ng City Health Office, Department of Social Welfare and Development (DSWD) at Department of Health (DOH) Bicol.
Pinangunahan ni PhilHealth ROV Regional Vice President Henry V. Almanon ang naturang paglulunsad at nakiisa at nagbigay naman ng kani-kanilang mensahe sina Legazpi City Mayor Geraldine Rosal, Governor Noel Rosal, City Health Officer Dr. Fulbert Alec Gillego, Local Health Insurance Office (LHIO) Albay Chief Darlene L. Nuyles at mga opisyal ng PhilHealth Main Office na sina Senior Vice President – Special Assignment on UHC Policy Development, Israel Francis A. Pargas, MD at Vice President, Corporate Affairs Group, Shirley B. Domingo, MD.
Layun ng aktibidad na hikayatin ang mga miyembro ng PhilHealth at kanilang deklaradong legal dependents na makapagtala sa konsulta system.
Bukod sa check-up at screening, nakatanggap din ng gamot ang mga miyembro at nagkaroon din ng pagbabakuna kontra COVID 19.
Samantala, ngayong araw ay nakatakda namang magtungo sa lungsod ng Ligao ang ahensya upang isagawa ang kaparehong aktibidad.
Ang Konsultasyong Sulit at Tama o PhilHeath Konsulta Package ay naglalayong magbigay ng primary care sa mga miyembro ng PhilHealth at kanilang deklaradong legal dependents bilang pagtugon sa mandato ng Universal Health Care (UHC) Law.
(Source: Philhealth Bicol)