Pili, Camarines Sur – Solid ang suporta mi ki Vice President Leni Robredo sa saiyang laban para presidente kan Pilipinas asin solid man ang suporta mi ki Vice Governor Imelda Papin sa laban niya sa pagka-Gobernador, ini ang sinabi ni dating Vice Governor Ato Peña na napapalaban cumo Alkalde kan Pili, Camarines Sur.
Sabi ni Former VG Ato Peña na dawa si Vice Governor Imelda Papin bistadong kaalyado ni dating Senador Bongbong Marcos alagad dai boot sabihon na minasuporta naman siya ki BBM.
Tinawan duon ni Former VG Peña na ang mga nagluluwas sa social media na nagsasabi na nagpapamalu-malu sinda na dai solido ang suporta ki VP Leni, iyan puros kaputikan o kahambugan.
Ang grupuhan ninda sa Liberal Party pusog ang suporta ki VP Leni Robredo bilang Presidente asin Senator Kiko Pangilinan bilang Vise Presidente hasta sa mga dadarahon na aspirantes para Senador.
Si VG Papin ang saindang susuportahan sa eleksyon cumo Gobernador asin Nelson Julia cumo Vise Gobernador igdi sa Camarines Sur huli ta nagkakapararihas an saindang kamawutan asin kaplanuhan sa pagsirbe sa mga namamanwaan.