Iriga City. Nagpahayag nin pasasalamat si alcalde Madel Yorobe-Alfelor kan Iriga sa publiko sa padagos kaining pakisumaro asin suporta sa Tobacco-Free Environment sa cuidad O No Smoking campaign sobra ng sarong taon an nakakalihis.
Sigun sa alcalde dikit-dikit ng narerealisar kan publiko an maraot na epektong dara sa salud kan paninigarilyo O pag-usar nin Tabacco.
An sinambit ng pahayag an pinaluwas kan alcalde matapos na magresibe an cuidad kan Red Orchid Award hali sa Department of Health sa pagigin kaining Best Implementor kan 100% Tobacco-Free Environment sa rehiyon kan Bicol kan nagtalikod na petsa 7 kan bulan na presente.
Sinabi kan alcalde na dai makukua kan cuidad an nasabing honra kun mayo nin suporta an mga namamanwaan orog na dai paninigarilyo sa mga pam-publikong lugar.
Boot kan alcalde na makalikay an mga Irigueno sa malain na epekto kan paninigarilyo kaya makusog kaining pinag-iimplementar an information, education campaign sa bilog na cuidad.