Iriga City – Nakatalaan ng mag-inbestigar an BFAR-Bicol sa sinasabing fish kill na nangyari kasu-bagong amay na aga sa lake buhi. Ini matapos na magdagsa an mga Bangka sa pantalan na pa’no nin tilapia asin magsabi na biglaan na nindang ginusi an ataman na tilapia sa mga fish cages tanganing pakinabangan.
Hasta sa sinusurat an baretang ini dai pa aram kan BFAR mismo kun tutuo na may fish kill O dara sana kan klima nin panahon. Sa pakikipag-olay ki Ms. Noni Enolva, spokesperson kan BFAR saiyang sinabi na nakipagkoordinar na sinda sa satellite office ninda sa sinambit ng banwaan nganing maaraman kun tutuo an fish kill O dae.
An gigibohon soboot kan BFAR kun igua nin mga nagagadan na tilapia iyo na magkundusir nin sampling sa man lain-lain na parte kan danao nganing maaraman an kausa kaini. An lake Buhi, bistado na iyo an istada kan pinakasadit na sira sa kinaban na inaapod “sinarapan” alagad parating nagkakaigua nin fish kill huli sa man lain-lain na rason.