INMATE NA, NAGKAWARRANT OF ARREST PA!

0
113

Kaniadtong Hunyo 13, 2018, malampusong nasikop ang usa ka inmate nga si George Daguinotas Pon, 32 anyos, ug residente sa Brgy. Sulangon, Dapitan City sa mga personahe sa Sindangan Municipal police Station nga gipanguluhan ni SPO1 john Henrick Ferolino nga miadto sa Sindangan District Jail, Brgy. Bitoon, Sindangan, Zamboanga del norte ug didito malampusong na-serve ang warrant of arrest sa naasoy nga inmate. Ang naasoy nga warrant of arrest giluwatan ni Judge Ric Bastasa sa Branch 8, 9th RTC, Bulwagan ng Katarungan, Dipolog City alang na sa kalapasan sa RA 6539 nga nakalatad usab sa RA 10883 nga nakadokit sa kasong criminal nga walay gikarekomendang piyansa.

Sa laing bahin, usa usab ka warrant of arrest nga giluwatan ni Judge Norlinda R. Amante-Descallar sa 13th MCTC, 9TH rtc, Kumalarng, Zamboanga del Sur, alang sa krime sa pagpangawat o THEFT, nga nakadokit sa kasong criminal nga adunay gikarekomendang piyansang P20,000.00 sa susamang suspetsado nga si George daguinotas Pon. Si Pon, kasamtangan ra gihapong nakadetenar sa Sindangan District Jail, Brgy. Bitoon, Sindangan, Zamboanga del Norte.

Sa susamang petsa, aduna usab gipagula nga warrant of arrest alang kang Luigi Gonzales Marata, 32 anyos, ulitawo, ug residente sa Lower Inuman, Sindangan, Zamboanga del Norte. Ang maong warrant of arrest giluwatan ni Judge Reymar L. Lacaya sa Branch 11, 9th RTC, Sindangan, Zamboanga del Norte alang sa kalapasan sa RA 6539 nga nakadokit sa kasong krimen nga adunay gikarekomendang piyansang P120,000.00. Ang maong inmate anaa ra gihapon nagtingkagol sa Sindangan District Jail sa Brgy. Bitoon, Sindangan, Zamboanga del Norte.

LEAVE A REPLY

Please enter your comment!
Please enter your name here