34.7 C
Manila
Thursday, March 28, 2024

Inflation rate sa GenSan ug Sarangani, mitaas

- Advertisement -

General Santos City – Mitaas ang inflation sa General Santos City nga anaa sa 7.9% sa bulan sa Agosto ning tuig 2022, samtang ang probinsya sa Sarangani adunay inflation rate nga 7.4% mas taas sa inflation nga natala sa tibuok Rehiyon 12 nga anaa sa 6.6 %.

Visit RPN DXDX General Santos

Sumala kang Ismael Ramos, Provincial Statistics Officer sa probinsya sa Sarangani nga ang pagtaas sa inflation mao ang pagtaas sa presyo sa mga palaliton hilabina sa basic commodities.

Saysay niini nga higayon mutaas ang inflation, naga-ubos ang purchasing power sa mga konsyumer gumikan naga-gamay ang value sa kwarta.

Dugang pamahayag ni Ramos nga ang pagtaas sa presyo sa basic commodities ang resulta sa pagtaas sa presyo sa mga raw materials, sama nalang sa foods and non-alcoholic beverages kung asa, asukal ang usa sa mga nag-unang raw materials ug tungod sa kakulangon sa supply apektado ang presyo sa mga palaliton sa merkado.

Kung basehan ang datus gikan Enero hangtud Agosto ning tuiga, ang bulan sa Marso ang adunay mubo nga inflation gumikan barato ang presyo sa mga palaliton ug aduna pay daghang supply sa mga raw materials.

Apan pagsulod sa bulan sa abril, nagsugod ang pagtaas sa inflation hangtud na sa bulan sa Agosto.

Kalabot niini, gibutyag ni Ramos nga adunay daghang factor nga naka-apekto sa inflation rate, sama nalang matud pa sa sitwasyon sa world market.

Saysay niini nga ang gyera tali Russia ug Ukraine ang adunay dakong epekto sa pagtaas sa inflation gumikan nagmahal ang mga produktong petrolyo, may epekto usab sa inflation ang dagan sa panahon gumikan kung adunay mga kalamidad, apektado ang sektor sa agrikultura nga sagad ginakuhaan sa basic commodities sama sa bugas. (Alfredo Madas Jr.)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -