30.9 C
Manila
Friday, March 29, 2024

Ikaduhang Prayer Rally Sa KAPA Community Ministry Gidagsa Sa Libuan Ka Mga Miembro

- Advertisement -

Davao City – Gidagsa sa libuan ka mga miembro sa KAPA Community Ministry International ang ikaduhang hugna sa gipahigayong Prayer Rally kagahapong adlawa nga gipahigayon sa nagkalain-laing dapit sa tibuok nasud. Ang nahisgutang panagtigom gihimo aron padayong ipanawagan kay Presidente Rodrigo Duterte nga bawion ang una na niining kamanduan nga isarado ang KAPA gumikan sa giingong illegal Investment Scheme.

Kahinumduman nga una nang nag-awhag pinaagi sa iyang Facebook account ang KAPA Founder nga si Pastor Joel Apolinario alang sa padayong Prayer Rally ingon man giangkon usab niini ang iyang pagtago- tago gumikan sa bahad sa iyang kinabuhi.

“Sa ating mga miyembro sana maintindihan ninyo kung bakit ako nagtatago ngayon dahil may banta po sa aking buhay. Sana po ay sumali tayo sa ating synchronized prayer rally para po manawagan tayo sa ating Pangulo”, pahayag ni Apolinario sa KAPA Global account.

Gisugdan sa usa ka praise and worship ang prayer rally dayon nga gisundan sa mga nagkalaing-laing testimonya sa mga miembro sa KAPA samtang ang mga mitambong nagbitbit usab ug mga placard diin nakasuwat ang ilang panawagan kay Presidente Rodrigo Duterte nga ipadayon ang operasyon sa KAPA.

Kahinumduman usab nga niadtong martes gipasakahan na sa Securities and Exchange Commission ug kasong pagsupak sa Securities Regulation Code ang Founder sa KAPA nga si Pastor Joel Apolinario kauban ang iyang asawa ug mga opisyales sa KAPA Ministry.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -