Kagahapon atol sa opening ceremonies sa ika-36 NORMIN-NRMC forum 2018 nga didto gipahigayon sa Grand Convention sa Philippine Gateway Hotel, kini gitambugan sa 33 ka mga water district, 200 kapin an rehistrado nga indibidwal, mga BOD, officers sa mga water districts gikan sa nagkalain-laing ciudad, munisipyo ug rehiyon.
Sa maong higayon gi-deklara ang nasangpit nga forum nga gi-ablihan pinaagi na ni General Manager Tomas Carumba Jr.,Wao WD and President, NorMin.
Usab gipaabot ni Gov. Sol Matugas ang iyang mensahe alang sa tanang partispante sa maong forum pinaagi na ni Board Member Cayetano Recabo diin ang unod sa maong mensahe mao ang prayoridad sa gobernadora ang kalimpyo, kahapsay ug kalinaw sa Surigao Del Norte.
Nahisgutan usab ang nag-unang problema ug presenteng gisagubang sa katawhan ang mahitungod sa global warming ug climate change, ug gihatagan usab niini ang kabug-aton sa tubig nga maoy tinubdan sa kinabuhi.
Ang maong aktibidad gipahigayon ug gisugdan niadtong Nobyembre 21 hangtod 23 ning kasamtangan tuig.