Davao City – Malipayon karon ang mga kanhi miyembro sa Rebelding New Peoples Army kinsa mibalik sa sabakan sa nalaud sanglit hapit na nila matagamtaman ang Pabalay nga gitagana sa Kagamhanan alang kanila. Atol sa gihimong Media Briefing sa dakbayan sa Tagum, gipresenta ni National Housing Authority General Manager Marcelino “Jun” Escalada ang mga Housing Units nga gitawag ug “Freedom Residences” nga gitukod sa Lima (5) ka ektaryang luna sa Baranagy Cuambogan syudad sa Tagum.
Nasayran nga matag Unit sumala pa ni Escalada nga duna siyay total 40 square meters, adunay Comfort room, naka- tiles usab ang iyang salog. Dugang pa ni Escalada nga una pa man matapos ning bulan sa Oktobre, mokabat sa 50 ka mga units ang inisyal nga i-turn- over sa Former Rebel Beneficiaries samtang ang nahibilin sa kinatibuk-ang 375 ka mga units ang padayong itukod sa lugar.
Sa pikas bahin, aron nga matubag ang nagkadaghang ihap sa mga pamilyang way pinuy-anan sa syudad, ang National Housing Authority nagtinguha sa pag develop sa 22 ektaryang luna nga gipanag-iyahan sa Lokal nga Kagamhanan nga nahimutang sa Barangay Lasang ning syudad
Sumala pa ni NHA general manager Marcelino Escalada Jr. nga nagka esturya na sila ni Davao City Mayor Inday Sara Duterte alang sa paghimo ug Resettlement Area alang sa mga informal Settlers ingon sa mga pamilya nga way kaugalingong pinuy-anan.
“I met with Mayor Sara in Mandaue, we talked and I said that mas maayo atong idevelop napod ang Lasang [it is better to develop Lasang area] because Lasang is a property owned by the government and the mayor gladly agreed,” sumala pa ni Escalada
Hinuon gibutyag nio Escalada nga suhistiyon sa Mayor nga ang NHA maoy mangulo sa katukuran sa mga Housing Units samtang ang Housing and Land Use Regulatory Board kun HLURB ang mag- develop sa Luna sa lugar.
“Right now, we are coordinating with HLURB from them to be able to undertake the land development project,” dugang pa ni Escalada