Hepe sa Cebu City Jail nagtan-aw karon sa posibilidad nga adunay mga jail officer nga nalambigit sa pagpalusot og mga kuntrabando sud sa prisohan

0
0

Wala ni salikway si Jail Superintendent Metz Milton Placencia ang jail warden sa Cebu City Jail Male Dormitory sa posibilidad nga adunay mga sakop niya nga nalambigit sa pagpalusot sa mga kuntrabando sud sa prisohan.

Visit RPN DYKC Cebu

Gitataw ni Placencia nga dakog posibilidad nga ang mga piniriso ug mga Jail Officer nagkasabot sa pagpasud of mga kuntrabando sama sa cellphone ug uban pa.

Mahinumduman nga halos tanang greyhound operation uban sa mga sakop sa PNP ug PDEA-7 adunay makuha nga mga shabu,cellphone,hait nga hinagiban og uban pa.

Dugang sa Warden nga ila na gipalihok karon ang ilang intelligence monitoring aron pagsuta kung aduna ba gyu’y sakop niya nga nalambigit sa maong illegal nga binuhatan.

Gipaningkamutan ni Placencia nga ma hatagan og kasulbaran ang maong problema nga dugay na kaayo gibuhat sud sa maong prisuhan.

Sa laing bahin nagsilbi usab nga hagit sa mga sakop sa BJMP-7 nga aduna pu’y mga prisohan nga susama sa maong prisuhan nga daghang mga kuntrabando ang nakasud,bisan paman sa ka higpit sa mga pasilidad. (RSL)

LEAVE A REPLY

Please enter your comment!
Please enter your name here