Provencial information officers strengthened through training
September 4, 2018
NFA officials sinabon sa Kamara dahil sa manipis na supply ng bigas
September 4, 2018

DXKT Davao
Hapit 1,000 pasyente natambalan nga libre sa “2018 Reservist Month Celebration”

Compostela Valley Province – Gipangunahan mismo ni 1103rd Ready Reserve Batallion Commander LTC Gov. Jayvee Tyron Uy ang selebrasyon sa “2018 Reservist Month” ug nag-unang kalihokan sa usa ka bulang selebrasyon ang pagtunol sa mga serbisyong medical ug dental ngadto sa hapit 1,000 ka mga pasyenteng Comvaleño nga libre.

Partner sa mga Reservists matud ni 1103rd Ready Reserve Batallion Operation Officer BM Raul Timogtimog, ang mga Staff ni PHO Chief Dr. Antonio Ybiernas ug ang mga kasundalohan sa pagtunol sa mga serbisyong dental ug medical nga libre atol sa nagsunod-sunod nga Health Outreach nga ilang gisugdan pagtunol diha sa Nabunturan National Comprehensive High School (NNCHS).

Ikaduhang hugna ang sa Brgy. Poblacion Maco nga dunay 345 ka mga pasyente nga nahatagan sa libreng medical ug laing 137 sa libreng dental ug adunay libreng mga tambal nga gipanghatag.

Ang sa Maco nahitabo sa milabayng Agosto 25, 2018, ug niadtong Agosto 26 didto sila sa Poblacion, Compostela diin miabot sad sa 239 ang ilang nahatagan sa mga serbisyong medical ug dental nga libre.

“Sabado sa buntag nakig-uban ako sa mga kaigsoonan sa Maco aron sa usa ka dental ug medical mission sa 1103rd Ready Reserve Batallion, Philippine Army. Isip Commander sa 1103rd Ready Reserve Batallion, gipangunahan nako ang maong aktibidad sa Maco Heights Central E.S. Daghang salamat sa PHO nga gipangunahan ni Dr. Antonio Ybiernas, ug sa tanang miyembro sa 1103rd Ready Reserve Batallion,” matud ni Gov. Tyron Uy.

Leave a Reply

Your email address will not be published. Required fields are marked *