Grupo Sa Mga Environmentalist Nanguna Sa Pag-selebrar Sa Earth Day

by RPN News
0 comment
Grupo Sa Mga Environmentalist Nanguna Sa Pag-selebrar Sa Earth Day

Kagahapon nga adlaw Abril 22, 2019, gibana-banang anaa sa kapin kun kulang usa ka libo ka katawhan ang mi-martsa ug miduyog sa pag-selebrar sa Earth Day nga adunay temang “Steward Of Creation: Rise-up For Mother! Earth Act Now To Save Our Species!” (Mga piniyalan sa kabuhatan: Bangon alang sa pag-pang-amoma sa kalibutan, lihok karon aron luwason ang mga kinabuhi nga ania sa kalibutan).

Gisugdan ang maong kalihokan pinaagi na sa pag-himo nan demonstrasyon sa hawanan sa Mines and Geosciences Bureau kun MGB dayon martsa paingon sa sentro nan ciudad ug dinha sa mismo sa Luneta Park gitapos ang maong kalihokan pinaagi na sa programa sa tunga na bahin sa dalang Rizal-Borromeo, resulta nga gi-sirado kadali ang maong kalsada alang na sa maong kalihokan.

Daghan ang singgit ug molo ang ilang gipalanug sama sa pag-saysay sa deputy secretary nan mga lumad ug sandugo sa alyansa sa Moro ug National Minority nga si Mrs. Eufemia Kuliamat, kun unsa ka-importante ang pag-selebrar sa Earth Day. Mipaabot usab sa iyang mensahe si Fr. Jouarlie Carlos sa Iglesia Filipina Independiente kun IFI sa kabililhon sa pag-atiman sa gi-tugyan kanato nga kabuhatan.

Ang maong kalihokan gi-atendiran sa mga environmentalists, mga representante sa simbahan, mga mag-uuma, mangingisda, mga lumad, mga mamu-mo-o, mangingisda, Caraga Watch, PAMALAKAYA, KASALO, KASAMA ug uban pang mga sektor sanan organisasyon.

Related Posts

Leave a Comment