30.9 C
Manila
Friday, March 29, 2024

Government workers sa Sugbo positibo sa paggamit og illegal drugs

- Advertisement -

Onse ka mga empleyado sa gobyerno sa lalawigan sa Sugbo ang napamatud-an nga tig-gamitan kini sa illegal drugs. Natino kini atol sa sunod-sunod nga drug tests nga gipasi-ugdahan sa Cebu Provincial Anti-Drug Abuse Office (CPADAO) sulod niining buwana.

Gibutyag ni Carmen Remedios Durano-Meca, pangulo sa Cebu Provincial Anti-Drug Abuse Office (CPADAO), nga napulo ka traffic enforcers sa lungsod sa Minglanilla, Cebu ug usa ka kawani sa Naga City, Cebu ang napamatud-an nga positibo sa paggamit og shabu atol sa gihimo nga on-site screening.

Sulod lang niining buwana, ang CPADAO mipahigayon sa lima ka buwag nga drug tests sa lain-laing mga buhatan sa Local Government Units (LGU’s).

Mokabat sa 247 la mga government workers ang mitugyan sa ilang kaugalingon alang sa drug on-site screening.

Matud pa ni Meca nga niadtong Abril 15, 2019, 38 ka mga traffic enforcers sa lungsod sa Minglanilla ang misalmot sa drug test  ug napulo kanila ang positibo sa paggamit og shabu.

Niadtong Abril 22, 2019 sumala pa usab sa CPADAO Chief  nga mokabat sa 67 ka mga kawani sa Naga City, Cebu ang misalmot sa drug test apan usa lang ka kawani ang nasuta nga positibo sa paggamit sa illegal drugs.

Niadtong Abril 1, 2019, 53 ka mga tinugyanan sa Bureau of Jail Management and Penology (BJMP) nga nadestino sa lalawigan sa Sugbo, ang misalmot sa random drug testing apan negatibo ang resulta, matud pa sa CPADAO Chief.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -