33.8 C
Manila
Friday, March 29, 2024

Good Conduct Time Allowance sa mga bilanggo ‘di pro-victim — VACC

- Advertisement -

Hindi pinapaboran at lubhang ikinalungkot ng Volunteers Against Crime And Corruption (VACC) ang napipintong paglaya ni dating Calauan, Laguna mayor Antonio Sanchez makaraang maconvict sa panggagahasa at pagpatay ng isang estudyante ng University of the Philippines Los Baños (UPLB).

Ito, ayon kay Arsenio “Boy” Evangelista, pangulo ng VACC, ay dahil tila nabiktima muli sila sa ikalawang pagkakataon.

Malaki aniya itong kabiguan sa mga naging biktima ng naturang krimen at malaki aniyang katanungan ngayon ay kung nasaan na ang hustisya para sa biktima ng aniya’y “karumal-dumal” at “grabeng” krimen na ginawa ni Sanchez.

Binigyang diin din ni Evangelista na hindi ‘pro-victim’ ang batas na Good Conduct Time Allowance (GCTA) kung saan binabawasan ng mga otoridad ang sentensya ng mga convicts kasunod ng magandang pag uugali ng mga ito sa loob ng piitan.

Bilang hakbang, mangangalampag aniya sila sa Board of Pardons and Parole upang mabigyang-linaw ang kanilang rules and engagement hinggil sa naturang batas at maging sa Department of Justice (DOJ) upang igiit na tutukan ang naturang kaso.

Panawagan ni Evangelista kay Pangulong Rodrigo Duterte, magbigay ng matibay na kautusan ang pangulo sa DOJ na tutukan, bigyan ng atensyon, bantayan at i-review ang lahat ng mga may kaugnayang kaso upang maihain ang nararapat na hustisya para sa mga biktima.

Ratsada Balita Interview

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -