GenSan boxer nga nakadaog sa China, gipasidunggan sa konseho.

GENERAL SANTOS CITY- GIPASIDUNGGAN sa Sangguniang Panlungsod ang 22 anyos nga boksidor nga si Jason Mama nga taga Sunrise Village, Barangay Lagao ning dakbayan.

Kini human nga gidala ni Mama ang dakong dungong dili lang sa syudad sa GenSan kundili lakip na sa nasud Pilipinas sa natad sa pamoksing human kini nagkampeon sa iyang away nga gipahigayon sa Beijing, China niadtong bulan sa Abril asa iyang napildi ang kanhi kampeon nga taga Thailand.

Atul sa gipahigayong regular session, gibasa ug gitunol ni Kagawad John Demdam ang certificate of appreciation alang kay Mama.

Dako usab ang pagpasalamat ni Mama sa suporta nga gipakita kniya sa mga opisyal sa syudad.