General Santos: Sarangani Province, gibisita sa Davao-based Chinese Consul-General

0
1

General Santos City – Malipayong gidawat sa Sarangani Province ang pagbisita ni Chinese Consul-General Li Lin ang Probinsya sa Alabel, Sarangani Province.

Visit RPN DXDX General Santos

Kauban niini silang Consul Jin Jun, Consul Chao Jianwei ug mga representante sa Overseas Chinese Community, Chinese Enterprises.

Anaa usab ang nga representante sa Panhua Integrated Steel, Inc. ug uban pang private sectors.

Kauban ang mga opisyales sa Probinsya, gibisita ni Lin ang Sarangani Provincial Hospital aron sutaon ang mga pasilidad ug mga ekwipo.

Ang naasoy nga pagbisita sa SPH ang simbolo sa partnership sa Sarangani ug sa nahisgutang opisyal alang sa kalambuan sa Probinsya pag-abot sa hisgutanang maayong panglawas.

Sunod usab nga gibisita sa Chinese Consul-General ang Socsksargen Drug Abuse Treatment and Rehabilitation Center aron sutaon ang mga pasilidad ug mga areas nga angayan pang palambuon.

Human sa paniudto, sunod nga gibista sa mga opisyal ang Pacman Village sa Brgy. Bagakay, Alabel kung asa mainiton usab nga gidawat sa mga lumulupyo niini ang nasampit nga mga bisita.

Dinhi, gisuroy ug gisuta sa mga bisita ang mga pasilidad kung asa nisaad ang mga representante sa Panhua Integrated Steel, Inc. og duha ka unit airconditioner alang sa multi-purpose building sa nasampit nga komunidad.

Human niini, ilaha nang gibisita ang lugar nga ginapatukuran sa gambalay sa Panhua Steel, Inc. sa Maasim nga usa sa bag-ong Chinese Investment sa Probinsya.

Gibutyag ni Consul-General Lin nga mamahimong muabot sa $3.5 Billion -$3.8 Billion ang katibuk-ang investment kung mahimo na kining operational ug posibleng mahimong usa sa mga labing dako nga steel manufacturer sa tibuok Pilipinas.

Kahibaluan nga usa sa direksyon sa pagdumala ni Governor Ruel Pacquiao ang pagpalig-on sa relasyon tali sa Probinsya ug sa mga foreign consulates aron madani ang mga foreign investors nga mu-invest sa Sarangani nga maoy dakong tabang sa paglambo pa niini.

(Source: PIO-Sarangani)

LEAVE A REPLY

Please enter your comment!
Please enter your name here