General Santos City – Aduna nay person of interest ang police station 7 human ang pagpusil-patay sa BPAT member nga si Ryan Reynoso nga taga Purok 13-b, Barangay Fatima.
Sumala kang Police Major Dennis Yuson, hepe sa Police Station 7 nga padayon ang ilahang ginahimo mga pagkuha ug dugang impormasyon sa mga testigo alang sa ilhanan sa mga suspek nga sakay sa usa ka motorsiklo.
Pag-angkon niya nga wala gyu’y kahadlok ang suspek nga namusil gumikan sa kadaghan sa miyembro sa BPAT niadtong higayuna, nahimo pa niini ang pagpusil-patay sa biktima.
Dugang pamahayag ni Major Yuson nga ilahang gina-konsidera ang posibilidad ang mga nasangpit maoy responsable sa sunod-sunod nga kawat sa ilahang area of responsibility.
Dako man usab ang posibilidad nga usa ka grupo ang mga suspek hilabina nga adunay back-up nga maoy nipusil sa biktimang si Ryan Reynoso nga usa ka BPAT member dihang girikisa ang naunang tulo ka mga suspek nga nakitaan ug bolt cutter.
Sa karon, mas gipalawman pa sa kapulisan ang imbestigasyon mahitungod sa maong kaso.
Pagpaklaro ni Major Yuson nga sa karon, ilaha pang ginasuta ang posibleng kalambigitan sa ilahang mga person of interest sa managlahing krimen ug kung asa nga grupo kini konektado.
Samtang pabor matud pa siya higayon nga adunay ipatuman nga balaud nga nagatugot nga ma-armasan ang mga miyembro sa BPAT.
Kini gumikan dungan sa ilahang paghimo sa ilahang tahas bisan pa man kini ug boluntaryo, mabutang usab sa peligro ang ilahang kinabuhi gumikan sa mga kriminal nga andam mupatay. (Alfredo Madas Jr.)