General Santos City – Padayon nga ginahimo sa kapulisan ang Oplan Kalinaw Reloaded, kaabag ang LGU GenSan ug mga Advocacy Support Group. Gani bag-uhay lang gihimo ang maong programa sa Purok Spring Mudia, Barangay Labangal, General Santos City.
Ang aktibidad gipangunahan sa Police Station 2, General Santos City ilawom sa pagdumala ni PCPT. Adolf Julien Dave F Diaz, Station Commander sa Police Station 2 kaabag ang RCADD PRO 12 nga pipangunahan ni PCOL Gilberto Tuzon, Chief RCADD sa PRO 12 uban ang mga sakop sa PCADG Region 12 kaabnag ang KKDAT GenSan Chapter, SWAT GenSan, Force Multipliers ug uban pang sakop sa Barangay Labangal.
Dungan sa maong programa gihimo usab ang PRO 12 Dugo ng Bayaning Pulis Alay sa Kapwa, Ngiti Alay sa Kapwa (Free Cleft Palate Operation) ug Community Outreach Program kung asa nagbaton ug padula ug papremyo ang kapulisan sa mga kabataan nga residente sa maong lugar.
Ang susamang aktibidad usa sa mga pamaagi sa PNP aron nga mapakita nga dili angayang kahadlukan sa mga bata ang kapulisan inay sila kakampi sa oras sa panginahanglan. (John Rey Somido)
(Source: PRO 12 | LGU GenSan)