General Santos City – Dako ang kalipay ni Gensan City Mayor Lorelie Pacquiao nga nahimong malampuson ang lima ka adlaw nga highlight sa Tuna Festival.
Saysay niini nga luyo pa man sa nasinatiang pandemya, ang tuna festival nagpahinumdum nga nagpabilin gihapon ang industirya sa panagat sa syudad nga adunay dakong kontribusyon sa ekonomiya sa dakbayan.
Panghinaut niya nga magpadayon ang mga selebrasyon luyo pa man sa mga gi-atubang nga problema.
Dako man usab ang pagpasalamat ni Mayor Pacquiao ngadto sa Chamber Of Commerce pinaagi ni Binirando Claudi, presidente sa Chamber Of Commerce Gensan sa suporta nga gihatag sa lokal nga panggamahan ug pagdawat nga mahimong partner para sa tinuig nga aktibidad.
Ingon man kang Engr. Joel Inabangan, Festival Director sa 24th Tuna Festival kung asa malampuson ang maong aktibidad.
Nanghimaut usab si Mayor Pacquiao nga magpadayon ang panaghiusa sa tanang sektor sa dakbayan alang sa mas malambuon nga Gensan. (Alfredo Madas Jr.)