General Santos: Managlahing pamaagi sa enrolment para sa SY 2022-2023, gihimo sa DepEd Gensan

General Santos City—Adunay managlahing pamaagi aron makapa-enrol karong school year 2022-2023 ang gihimo sa Deparment Of Education (DEPED) Gensan aron nga ma-awhag ang mga ginikanan nga ipa-enroll ang ilahang mga kabataan.
Sumala kang Victorino Fuentes Jr., School Governance Operation Division Chief sa DEPED-Gensan nga pwedeng magpa-enroll pinaagi sa online. Pwede usab ang face to face enrollment kung walay access sa internet apan kinahanglan gihapon nga i-implementa ang minimum health protocol sa department of health sama sa social distancing.
Samtang pwede usab magpa-enroll ang mga estudyante sa pinaka-duol nga eskwelahan sa ilahang barangay bisan ug dili sila didto mu-eskwela gumikan ang mga magtutudlo na ang magpasa sa ilahang mga enrollment form sa mga eskwelahan nga naka-rehistro sa enrollment form sa mga estudyante.
Gihatagan na usab ug mandato ang mga eskwelahan nga magpahigayon ug enrollment on wheels aron mahatagan ug tsansa nga makapa-enroll ang mga estudyante nga anaa sa lagyong dapit.
Dugang pa ni Fuentes nga lakip sa mga mahatagan ug enrollment form mao ang mga opisyal sa barangay, mga purok ug ang mga PTA aron mas paspas ang pagpahigayon ug enrollment. Gani, aduna usab silay mga ipang butang nga enrollment booth sa mga mall sa syudad.
Tumong sa maong mga lakang aron nga mas mapadali ang pagpa-enroll sa mga kabataan ug mas taas ang ihap sa mga estudyante ang maka-paenroll karong school year. (DEPED GENSAN)