General Santos City – Giitsapwera sa taga Malakanyang ang aplikasyon sa Sanggunianhg Panglungsod aron ideklara nga special non-working holiday ang Septembre singko tuig 2022 alayon sa selebrasyon sa 24th Tuna festival.
Sa sulat nga gipagawas ni deputy Executive secretary for Legal affairs Richard Palpalatok nga dili nila mahatag ang hangyo nga magpagawas ug Kamandu-an tungod nakaduha ka higayon na nga nagpagawas ug proclamation alang sa General Santos butang nga gibalibaran.
Palisiya matud pa sa Malakanyang nga limitahan ang pagdeklara ug special holidays nga gina obserba sa matag tuig nga tig duha lamang sa matag LGU aron mapakusog ang economic work activity ug mapaubsan ang disturbo sa trabaho gumikan sa epekto sa pandemya.
Nasuta nga sa nakalabay nga administrasyon ang Septembre singko ang ginadeklara nga special non-working holiday aron ma enjoy sa katawhan ang kasaologan. (John Rey Somido)