General Santos City – Epektibo na ang ikaduhang tranche sa minimum wage increase sa Rehiyon 12 nga 16 pesos niadto pang setyembre uno pasabot nga anaa sa 368 ang minimum wage sa mga non-agricultural worker ug 347 para sa mga agriculrutal, retail ug services.
Sumala kang Jessie Dela Cruz, Secretary sa Regional Tripartite wage production board 12 nga ang pagtaas sa minimum wage sa Rehiyon 12 ang resulta sa gihimong pagtuon niadtong 2018 kung asa anaa sa 343 ang poverty threshold.
Kung basehan matud pa ang poverty threshold niadtong 2018, masulti niini nga mas taas na ang minimum wage gumikan 347 ang anaa sa sektor sa agrikultura.
Dugang pamahayag ni Jessie Dela Cruz nga ang 2018 poverty threshold ang gihimo nilang basehan aron mapatas-an ang minimum wage sa Rehiyon 12.
Saysay niya nga bug-at usab para sa mga employer ang 32 pesos nga umento sa inadlaw nga sweldo rason nga gigahin sa duha ang implementasyon niini, 16 pesos niadtong hunyo 9 ug laing 16 pesos milabay’ng Setyembre 1,2022.
Pag-angkon niya nga ang Rehiyon 12 ang usa sa may pinakamubo nga umento sa inadlaw nga sweldo apan ilaha usab gikonsidera ang socio-economic sa rehiyon sa pag-apruba sa minimum wage. (Alfredo Madas Jr.)