General Santos City – Anaa pa lang sa 76% ang kinatibuk-ang ihap sa mga naka-enroll para sa school year 2022-2023 gikan kinder hangtud senior high school gikan s apribado ug pampublikong tunghaan.
Sumala Kang DepEd GenSan Schools Division Superintendent Romelito Flores nga subay sa agusto 15 nga datus, anaa pa lang sa 9, 373 ang mga naka-enroll sa kinder kon 67.9% kung itandi sa mga naka-enroll sa milabayng tuig.
Samtang sa elementarya, anaa sa 62, 530 kon 80% gikan sa ihap sa mga naka-enroll milabay’ng tuig. Sa Junior High School , anaa sa 38, 076 kon 74.1% ug sa Senior High School anaa sa 12, 883 kon 74%.
Dugang pamahayag ni SDS Flores nga sa umaabot nga pag-abri sa klase sa Agosto 22, adunay 23 nga mga pampublikong tunghaan sa elementarya ang mag-implementa ug full face to face classes, samtang anaa sa walo ang Public Secondary Schools.
Sagad matud pa sa maong mga tunghaan ang nahimutang sa mga far flung area ug adunay gamay nga ihap sa mga estudyante kung asa mapatuman ang social distancing.
Aduna usab upat ka mga pribadong tunghaan sa GenSan ang magpatuman ug full face to face classes.
(Source: DepEd GenSan)