General Santos City – Walay unsa mang report ang General Santos City Police Office nga nadawat may kalabutan sa mga nagkatag sa social media nga sumala pa adunay mga kaso sa pagpangidnap sa mga kabataan.
Sumala kang Police Lt. Col. Aldrin Gonzales, tigpamaba sa GSCPO nga walay samang report ang walo ka mga prisinto sa kapulisan sa syudad, pasabot nga kini walay kamatuuran.
Awhag niini sa publiko nga likayan ang pag-share o pag-post sa social media mahitungod niini gumikan makahatag lang kini ug kahadlok sa katawhan.
Dugang pamahayag ni Police Lt. Col. Gonzales nga kung aduna may mga panghitabo sa palibot, gilayon kining i-report sa kapulisan, sa tanod ug uban pang unit aron mahatagan ug aksyon.
Dili matud pa sa social media kung asa dili kini mahatagan ug pagtagad gumikan sa mga unverified nga mga impormasyon ug makatag kini ug panic sa publiko. (Alfredo Madas Jr.)