29.8 C
Manila
Friday, March 29, 2024

General Santos: Duha patay, 14 samdan human gidaro sa ten wheeler truck ang 13 ka mga sakyanan sa Tupi

- Advertisement -

Tupi, South Cotabato – Patay ang duha ka indibidwal samtang 14 ang samdan sa natigayong aksidente sa kadalanan sa partikular sa Purok 1, Barangay Poblacion, Tupi, South Cotabato, atubangan sa usa ka gasoline station ug Southeast Asian Institute of Technology alas 5:47 ang takna sa hapon, kagahapong adlawa.

Visit RPN DXDX General Santos

Nalambigit sa maong aksidente mao ang usa ka unit sa Isuzu ten wheeler truck, nga dunay Plate no. MAA 3748 nga gipanag-iyahan sa DSO Global Distribution Inc.   nga nakabase sa Koronadal City ug gimanihuan ni Albert Zambrano, 26 anyos, residente sa Purok Upper Malaya, Barangay Poblacion, Tantangan, South Cotabato diin iyang gidaro ang mukabat sa 13 ka mga sakyanan nga gilangkuban sa tulo ka SUV, lima ka motorsiklo, usa ka topdown, usa ka bus, ug tulo ka pick-up.

Sa initial investigation sa Tupi PNP gikan sa Gensan ug padulong na unta sa syudad sa Koronadal ang 10 wheeler truck nga may kargang 16 tons sa Container van, pag-abot sa lugar, nawad-an ug preso ang sakyanan nga hinungdan, iyang nadaro ang ubay-ubayng sakyanan nga anaa sa iyang atubangan.

Matud ni Tupi MDRRMO Action Officer Emil Sumagaysay, ang namatay ang mag-amahan   nga 6 anyos ug 29 anyos, samtang 14 ang natalang samdan apil na ang upat ka mga estudyante.

Paspas nga gidala sa Tupi Municipal Hospital mga biktima samtang pipila niini ang gidala sa South Cotabato Provincial Hospital sa Koronadal City ug kasamtangang gipailawom sa monitoring.

Gikaingong ang mag-amahan nga nakabsan maoy pinakauwahing sakyanan nga nabanggaan sa ten wheeler truck.

Sa karon ang driver sa sakyanan ang anaa na sa kustudiya sa Tupi PNP, samtang nagpadayon pa ang imbistigasyon sa maong insidente. (Ivan P. Polonan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -