General Santos: Disgrasya sa dalan nga gikalambigitan sa tulo ka sakyanan sa GenSan, 10-patay, 4-samdan

0
0

General Santos City – Mukabat na sa 10 ang  patay sa  nahitabong disgrasya sa kadalanan nga gikalambigitan sa tulo ka sakyanan  nga gilangkuban sa Ford Raptor (Vehicle 1) nga gimanihuan ni Elbert Hayag, 44 anyos, minyo, residente sa Malalag, Davao Del Sur,  Rebuilt Aluminum Van truck (Vehicle 2)  nga gimanihuan ni Cesar Andaya  ug usa ka Hi Ace commuter van (Vehicle 3) nga gimanihuan ni Noel Podadera,   alas 3:15 Ang takna sa hapon, kagahapong adlawa sa  may purok 4, National Highway, Barangay Batomelong GenSan.

Visit RPN DXDX General Santos

Subay sa initial investigation sa Traffic enforcement Unit (TEU) parehong gibaybay sa tulo ka mga sakyanan ang National Highway kung asa ang Vehicle 1 ug vehicle 2 ang susamang gikan sa syudad sa GenSan padulong ngadto sa Davao, samtang ang Vehicle 3, ang gikan sa Davao padulong sa GenSan, pag-abot sa lugar nibuto ang rear left tire sa Vehicle 3 hinungdan nga nawad-an ug control ang driver ug nahidangat ang sakyanan sa pikas lane nga hinungdan sa head on collision ngadto sa vehicle 2 kung asa nabangga usab niini ang vehicle 1.

Gumikan nga kusog nga impact, nakaangkon ug damage ang Vehicle 1 sa kilid nga bahin, samtang ang Vehicle 2, nakaangkon ug damage sa unahan nga bahin, samtang ang Vehicle 3, nakaangkon usab ug grabeng damyos  nga miresult sa kamatayon sa ubay-ubayng mga biktima ug pagkasamad sa laing uban pa.

Casualty sa Vehicle 3:

  1. Noel Podadera, 41 years old, Residente sa klinan, Polomolok, South Cotabato, driver sa commuter van (DOA)
  2. Lalaine Joy Labang, 28 years old, residente sa Barangay Fatima, GSC (DOA)
  3. Mylene Donaldo, 44 years old, residente sa barangay Calumpang (DOA)
  4. Carlo Advincula, 30 anyos, residente sa Crossing Rubber, Tupi, South Cotabato(DOA)
  5. Regie Pag-ong, 27 anyos, residente sa Barangay Fatima, Gensan (DOA)
  6. Ryan Jay Niñez, 36 anyos, residente sa Polomolok, (DOA)
  7. Alfredo Abatayo, 47 anyos, residente sa Purok 3, ladol, Alabel, Sarangani Province (DOA)
  8. Salvacion Masugbod, 50 anyos, residente sa Zone 7, Uhaw, Barangay Fatima, Gensan (Dead while treated at Dr. Jorge Royeca Hospital)
  9. Rose Ann Macpal, 30 anyos, residente sa Purok Maguindanao, Labangal, Gensan, (dead while treated at S. Elizabeth Hospital)

Casualty sa V2 (Rebuilt Aluminum Van)

  1. Cesar Andaya (V2 Driver) 42 anyos, residente sa Guihing Relocation, Hagonoy, Davao Del Sur. (Declared Dead while treated at Doctors Hospital)

Samtang ang mga samdan mao silang si:

  1. Shiela Bantaculo,37-anyos, residente sa Prk. Mapagmahal, Brgy.Baluan
  2. Regina L. Gadia, 29-anyos, taga Deca Homes, Calumpang, GenSan
  3. Jerel U. Villaruz, 31-anyos, residente sa Prk. Malambuon Lote Calumpang, GenSan
  4. Jeraldine U. Villaruz, 30-anyos taga Malambuon Lote, Calumpang, GenSan

Sa karon, nagpadayon pa ang gihimong imbistigasyon sa TEU kalabutan sa maong insidente samtang ang tulo ka mga sakyanan nga lambigit sa maong disgrasya ang anaa na sa kustudiya sa TEU alang sa saktong disposisyon. (Alfredo Degala Jr.)

LEAVE A REPLY

Please enter your comment!
Please enter your name here