Koronadal, South Cotabato – Kasong kalapasan sa RA 9165 ang gipasang-at sa kapulisan batok sa duha ka mga personahe kansa una nang nadakpan sa area sa Purok Bagong Pag-asa, Brgy GPS, Koronadal City, South Cotabato, niadtong August 2, 2022 atol sa gihimong buy-bust operation.
Una nang nagpahigayon ug anti-illegal drug operation ang tropa sa Koronadal City Police Station, City Police Drug Enforcement Unit (CPDEU), PPDEU, SCPPO, RID 12 Tracker Team Charlie ug Tantangan MPS sa pakig-alayon sa PDEA 12, nga miresulta sa pagkasikop sa suspek nga si Muhammad Tutuwa alias “Amay Datu”, 40 anyos, ulitawo, ug wala nganling kaubanan niini, susamang residente sa Dunguan, Lutayan, Sultan Kudarat.
Ang supek napalitan ug usa ka sachet sa gituohang “shabu” (poseur item) nga may timbang nga 0.07 gramos nga nagkantidad ug ₱ 500.00 samtang laing sachet sa suspected “shabu” nga gibana-banaang nagtimbang ug 10 gramos nga gibana-banaan usab nga anaa sa ₱ 68, 000.00 ang kantidad.
Narecover sa awtoridad ang P500.00 nga Marked Money, usa ka brown bag, usa ka improvised glass tooter, usa ka black pouch, usa ka unit sa homemade single-shot caliber 5.56mm (Break-even) with chamber loaded sa 5.56mm nga bala, duha ka live ammunition sa 5.56mm, usa ka caliber .38 revolver loaded ug tulo ka bala, ug usa ka fired FCC caliber .38 revolver (Snub nose).
Sa karon ginasuta pa sa kapulisan kung gawas sa illegal drug activities duna pay laing gikalambigitan sa laing krimen ang mga dinakpan human nga nakuhaan ug armas ang mga nahisgutan.
(Source: PRO-12 Public Information Office)