Ang pinakadugay nga serving governor sa probinsya sa Bukidnon nga si Carlos Fortich ang mitaliwan na sa laing kalibutan nga sa pangidaron nga 83 anyos. Si Fortich way bugto nga nanerbisyo sa walo ka termino o moabot sa 26 anyos sukad niadtong 1968 isip provincial governor.
Usa ka tuig sa wa pa matapos ang iyang unang upat ka termino napasidunggan siya isip “Most Outstanding Governor of the Philippines”, ang pinakabatan-ong nakadawat sa maong pasidungog sa edad 35.
Niadtong 1997, sa dihang nahimo siyang gobernador sa ikapito ka higayon, ang Bukidnon nakadawat sa “Gawad ng Lahi Pamana Award” isipp Most Outstanding Province of the Philippines.”
Sa tunga-tunga sa iyang mandatory term limits, nahimo siyang Congressman ug Vice-Mayor, pulos nga elective posts nga adunay tag tulo ka tuig nga termino.
Napasidungan usab si Fortich isip pinakaunang Chairman sa Regional Development Council sa Northern Mindanao sulod sa siyan ka tuig.
Sa pagkutlo ning maong balita, ang pamilyang Fortich gikatakda pang mopagula sa dugang detalye mahitungod sa kamatayon sa gobernador ug ang dapit nga pahimutangan sa iyang patay’ng lawas sa gobernador.