GENERAL SANTOS CITY- SA TUMONG nga masulbad na ang sobra nga pagpaningil sa pletihan sa mga tricycle driver dinhi sa GenSan, gipadalia karon sa Committee on Transportation sa Sangguniang Panlungsod ang pagpasa sa fare matrix.
Sumala pa ni Kagawad Atty. Ramon Melliza, kini ang solusyon aron masulbad na ang dugay nang problema sa sobra nag singil sa pletehan.
Nasayran nga pinaagi sa mamugna nga fare matrix, mahimo nang sakto ang direksyon sa bayrunon sa pasahero sukwahi sa kanhi ordinansa nga dili klaro kung hangtud asa lang ang city limit sa minimum fare sa tricycle.
Una nang gibutyag sa Motorized Franchising and Regulatory Board nga dugay na nila kining ginahulat ordinansa human ang sunod sunod nga reklamo kalabot na sa overpricing nga pletihan sa pipila ka trisikel driver.