GENERAL SANTOS CITY – Malampuson ang gipahigayong Exercise Pagsasama 2018 sa Philippine Navy nga gitambungan sa dul an 300 ka mga partesepanti nga naggikan pa sa nagkalain-laing Rehiyon sa Mindanao. Ang nahisgutang aktibidad personal nga gitambungan ni Navy Vice Admiral Robert Empedrad nga gitambungan usab sa mga Reservist nga naggikan pa sa Rehiyon 10, 11, 12 ingon man sa Caraga Region.
Atol sa gipahigayong Exercise Pagsasama 2018, gihimo usab ang Civic Action Program didto sa Malapatan Sarangani Province diin ubay ubay ka mga residente sa Lugar ang nakapahimulos sa Feeding Program.
Samtang, sa Sarangani Bay magsakay usab ang mga reservist sa mga patrol vessels ug tudluan ang mga nasampit sa operasyon sa barko ug pagpatrolya. Human sa nakahan-ay nga aktibidad, gitapos ang programa sulod mismo sa BRP Tarlac nga nakaabot sa GenSan dili pa lamang dugay.