ENGKWENTRO SA MGA TROPA SA GOBYERNO UG MALAMPUSONG MANHUNT CHARLIE JOINJT OPERATION

Adunay nahitabong panagsangka tali sa mga tropa sa kagamhanan batok sa mga lawless elements nga gipanguluhan ni Yacob Isnain alyas Bating sa Sitio Sapa bayol, Brgy. Malambuhangin, Siocon, Zamboanga del Norte mga 9:30 sa kabuntagon kaniadtong Hunyo 19, 2018. Ang mga giingong tropa sa kagamhanan sa Platoon Bravo Coy, 42 IB PA nga gipanguluhan ni 1^st Lt. Jason Basoy, mga tropa sa 905^th RPMFB9 nga gipanguluhan ni PSI Allan Venedict Rosete, mga personahi sa ZNPMFC uban sa Siocon MPS nga gipanguluhan ni PSI Jaime Marfil Tañola, mipahigayon ug strike operation ug ang 13^th SF Coy PA gipanguluhan ni SSg. Enimker C. Anatoy isip blocking force batok na sa naasoy nga mga elemento nga miresulta sa engkwentrong milungtad sa kapin kon kulang 7 minutos. Tungod sa panagsangka, duha ang napatay nga giilang sila Ali Lumiguis ug Ato Lumiguis nga mga miyembro sa Isnain Lumiguis Group nga adunay mga naka-ong-ong nga warrant of arrest alang na sa kasong pagpatay (Murder) nga giluwatan ni Hon. Judge Laami N. Dajao sa 9^th RTC Branch 27, 9th Judicial Region, pinetsahan kaniadtong Marso 16, 2017.

Nakuha gikan sa posisyon ni Ali Lumiguis ang usa ka unit sa Kalibre 45 Colt nga adunay magazine ug sulod nga 7 ka mga buhing bala, usa ka blangko nga cartridge nga gituohang sa kalibre 45 nga ginamit ug 5 ka mga buhing bala sa kalibre 45, ug usa ka unit sa cellphone nga nakuha gikan sa iyang sling bag. Samtang sa posisyon ni Ato, nakuhaan kini ug isa ka unit sa kalibre 45 model STI nga adunay magazine ug mga buhing bala sa kalibre 45. Taliwala sa naasoy nga engkwentro, duha ka mga suspetsado ang naaresto alang sa illegal possession of firearms nga giilang sila Attang Sabuddin y Tunggal, 70 anyos nga adunay gaong-ong nga kasong criminal sa korte sa Branch 27, 9^th RTC, ug usa ka Hatta Orak y Angsa, 46 anyos. Ang mga naasoy na dinakpan pulos mga minyu ug lumolupyo sa Brgy. Malambuhangin, Siocon, Zamboanga del Norte. Nakuha kang Attang ang usa ka kalibre 45 Colt ug usa ka magazine nga dunay 7 ka bala. Samtang nakuha kang Hatta ang usa ka Kalibre 22.

Ang mga patayng lawas nila Ato ug Ali Lumiguis gilayong gidala na sa ilang mga pamilya human mipahigayon ug post mortem examination sa crime scene si Dr. mary therese Acevedo sa RHU-Siocon. Ang mga naaresto usab gipahibalo sa ilang mga katungod ug sa Anti-Torture Warning, gidala sa Siocon District Hospital alang na sa medical ug physical examination ug gidala sa Siocon MPS dala ang mga nakompiskang ebidensya batok kanila alang sa dugang imbestigasyon.  Kasamtangang  gibalhog na sa pagkakaron ang mga dinakpan sa Siocon MPS aron kapasakaan nag tukmang kaso ug Inquest Proceedings.