DAVAO CITY – Gisusi karon pag- usab sa Commission on Elections sa rehiyon 11 ang posibilidad nga election hot spots alang sa umaabot nga Mid-term election sunod tuig. Hinuon ning kasamtangan, wala pay gihuptang listahan ang Comelec sa gitawag nga election hot spots sa Davao region.
Apan gibutyag ni Atty. Krisna Samanta Caballero, tigpamaba sa Comelec Region 11 nga subli pa gihapon nila nga tun-an ang mga lugar nga kalakip sa ilang listahan sa milabay nga Barangay Election kaniadtong bulan sa Mayo.
Gitakda nga ipatawag sa usa ka tigom sa Commission on Election ang hut-ong sa kapolisan ug kasundaluhan aron nga isapinal ang mga lugar nga sagad init ang panag-atbang sa mga politiko.
Samtang gitataw sab ni Atty. Caballero nga andam na sila sa ipahigayon nga pagduso sa mga kandidato ug certificate of candidacy karong adlawa. Wala sab sumala pay kabag-ohan sa ilang mga pangayuon nga mga rekisitos gawas lamang sa gamiton nga forms nga mamahimong ma-download gikan sa ilang website.