27.2 C
Manila
Friday, March 29, 2024

Duha Ka-Pinirisong Mi-Ikyas, Malampusong Na Recover

- Advertisement -

Alas-4 ang takna sa kabuntagon kaniadtong Hulyo 1, 2018, ang mga sakop sa kapulisan sa Tampilisan PNP nga gipanguluhan ni PI Carlito C. Requilme, OIC inabagan sa 13SFC nga gipanguluhan usab ni PFC Roland D. Martinez, uban sa mga opisyal ug tanod sa Brgy. Situbo, Brgy. TininggaaN, Brgy Sandayong, ug Brgy. Cabong, lungsod sa Tampilisan, Zamboanga del Norte ang mipahigayon ug hot pursuit operation aron sa pag-recover sa mga mi-ikyas nga preso.

Mga alas-6 ang takna sa buntag sa susamang petsa, ang team malampusong nasikop si Alfin Moreno Omar, nga usa sa mga ikyas nga preso, didto sa Brgy. Situbo sa naasoy nga lungsod. Samtang nagpadayon ang ilang operasyon, misukol pa kini ug midasmag sa usa sa mga tanod nga uban sa operatiba, hinungdang gibunalan kini sa likod nga bahin sa iyang lawas ug nahagba. Gilayong giposasan kini ug gidala sa Ipil District Hospital alang sa physical ug medical examination.

Samtang alas-7 ang takna sa buntag sa maong petsa, nasikop usab ang usa ka Willboy Galon Pedi nga usa usab sa mga niikyas, didto sa Brgy. Situbo.

Ang duha gidala gilayon sa Tampilisan MPS detention cell alang sa tukmang disposisyon ug dugang imbestigasyon.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -