31.2 C
Manila
Friday, March 29, 2024

Duha Ka Media Moapila Sa Kasong Cyber Libel Nga Gisentensiya Sa Korte Batuk Kanila

- Advertisement -

Davao City—   Moapila sa mas taas nga korte ang duha ka mga sakop sa Media sa Probensiya sa Kidapawan human gipakanaug sa Korte ang desisyong Guilty ang duruha sa kasong gipasang-at kanila ni Cotabato Governor Emmylou “LaLa” Talino- Mendoza.

Ang gipangkasuhan nga Media naglangkob nila ni Eric Rodinas alyas Sherwin DugaDuga sa Radyo Natin Kidapawan City ingon man si Larry Subillaga nga usa ka Freelance Journalist sa nahisgutang probensiya.

Sa gihimong pagtaral sa kaso ngadtu sa Regional Trial Court-12 Branch23 sa Sala ni Judge Jose Tabosares, sad-an sila ni Rodinas ug Subilla hinungdan nga gipakanaug ang desisyon nga mapreso ang duha ug upat hangtud sa walo ka tuig. Gimanduan usab sa Korte ang duha nga mobayad ug tag 2.5 milyones pesos nga danyos perwisyo.

Nasayran nga nag-ugat ang kaso nila Rodinas ug Subilla sa malisyosong Post niini sa Facebook batuk ni Gobernor Mendoza nga nagsugod niatong tuig 2017 hangtud sa 2018. Nasayran nga gina atake ni Rodinas sa iyang programa sa Radyo samtang gina post usab ni Subilla sa Social Media ang mga isyu niini batuk sa Gobernadora samtang wala usab nila ginahatagan ug higayon nga makatubag sa isyu ang Gobernadora.

Gumikan sa mga gipresentang Ebedensiya ug mga Testigo ni Gobernor Mendoza ngadtu sa korte, gipakanaug sa huwes ang desisyon nga Guilty ang duruha ka mga Media samtang gipahayag sa duha nga gipangandaman na nila ang pag apila sa mas taas nga korte ang kaso nga ilang giatubang.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -