DUHA (2) KA DAGKONG FESTIVAL SA SARANGANI PROVINCE MATIGAYON SUNOD SEMANA

DUHA (2) KA DAGKONG FESTIVAL SA SARANGANI PROVINCE MATIGAYON SUNOD SEMANA

by RPN News
0 comment 121 views

SARANGANI PROVINCE — Duha (2) ka dagkong festival ang saulugon sunod semana sa probinsya sa Sarangani, og kana mao ang gikahinaman nga Sarangani Bay Festival og ang Binuyugan Festival sa lungsod sa Maitum.

Kagahapon, atol sa regular sesyon sa Sangguniang Panlalawigan gidumalahan ni Vice Governor Elmer De Peralta, giduso ni Board Member Jess Bascuña ang usa ka resolusyon nga maghatag og Tunga sa Milyon ka pesos (P500k) isip ayudang pinansyal gikan sa buhatan ni Governor Steve Chiongbian Solon aron mas magmalipayon pa ang pag-selebrar sa ika-saysenta (60th) nga foundation anniversary og ika-baynte (20th) nga Binuyugan Festival sa Maitum nga matigayon karon ng Mayo 29 hangtud Mayo 31, og kini ang dakong gikalipay ni Mayor Bryan Reganit.

Samtang, preparado na ang tanan alang sa Sarangani Bay Festival 2019 sa Gumasa, Glan gikan Mayo 30 paingon Hunyo 1, sa pagsuporta nila Senador Manny og Congressman Ruel Pacquiao. Lauman ang libuan ka mga turista gikan pa sa nagkadaiyang lugar sa Pilipinas og sa gawas sa nasud nga musaksi sa sobra baynte (20+) kabuok giandam nga mga aktibidad.

Ang SarBay Fest ang una nang gideklara sa ATOP kon Association of Tourism Officers of the Philippines nga Best National Tourism Event in Sports, Adventure and Wellness, maong gipaniguro ni First Lady Ms. Michelle Lopez Solon isip sya ang chairperson sa Sarangani og Region 12 Tourism Councils, nga ang kasadyaan ang alang usab sa pag-preserba sa kadagatan og sa tibuok kinaiyahan.

(Photo from the Web)

0 comment

Related Posts

Leave a Comment