Driver Sa Duha Ka Motorsiklo Nga Nalambigit Sa Aksidente Na-ospital

by RPN News
0 comment
Driver Sa Duha Ka Motorsiklo Nga Nalambigit Sa Aksidente Na-ospital

Aksidenteng nadasmagan sa motorsiklo ang laing pang motorsiklo niadtong Mayo 3, 2019 sa may alas 5:15 ang takna sa hapon sa Km. 10, National Higway, Brgy. San Pedro, Sison, Surigao Del Norte. Ang nalambigit na mga behikulo mao ang usa ka (Vehicle 1) Honda XRM 125, color itom ug puti nga may plate number 2125 FY nga gimaneho ni Florendo Baang Yu, 66 anyos, minyo, walay trabaho, residente sa nahisgutang barangay. Samtang ang ika-duhang behikulo mao ang Honda XRM 125, color iton ug puti nga may plate number na MZ 4957 nga gimaneho ni Baltazar Gabeligno Sienes, 48 anyos, minyo, residente sa Purok-3 Payao, Brgy. Anislagan, Placer, Surigao Del Norte.

Basi sa imbestigasyon sa kapulisan, gibutyag nga ang duha ka motorsiklo nag-sunod kini sila sa pareho nga direksyon apan pag-abot sa national highway sa Brgy. San Pedro, ang V1 (vehicle 1)  mi-left turn kini sulod sa municipal hall sa Sison apan ang V2 (vehicle 2) tungod sa kapaspas sa dagan aksidente kining mibangga sa likod nga bahin sa V2 nga mi-resulta sa pagka-tumba sa sementadong dalan lakip na ang duha ka mga driver ug dali kini silang gi-rescue sa ug gidala sa Sison Municipal Health Center alang na sa pagtambal. Apan ang driver sa V2 nga motorsiklo gibal-is sa Surigao Del Norte Provincial Hospital sa Brgy. Sta. Cruz.

Basi sa findings sa doktor, ang driver sa V2 naka-angkon ug grabing samad ug gisi sa wala nga bahin sa babaw sa iyang mata. Human sa aksidente ang duh aka motorsiklo anaa na sa kustodiya sa Sison Municipal Station.

Related Posts

Leave a Comment