Davao City – Gilauman karon ang posibleng pagdagsa sa mga torista nganhi sa dakbayan sas Dakbayan sa Davao, kini ang giluwatang pahayag ni Chinese foreign minister Wang Yi.
Gipalutaw ni Yi nga mobukas og dakong oportunidad ang direktang biyahe sa Davao padulong sa Hongkong kon makapahimulos ang kasamtangang economic progress sa dakbayan sa Davao.
“I believe more Chinese visitors will come to Davao to enhance the friendship between our two peoples and contribute to the development of the city and the Southern Philippines,” matud ni Wang Yi niadtong Dominggo atol sa inauguration sa Chinese Consulate office sa dakbayan.
Dugang pa nga pasabot ni Yi nga ang direktang biyahe motabang sa pagpahibawo sa mga turistang Insik bahin sa nabantog nga seguridad nga gipasiatab sa siyudad ngadto sa kalibutan… Ang direktang biyahe gilunsad sa Cathay Pacific Group niadtong Oktubre 28, 2018 didto sa Davao International Airport.
Kini sab ang unang nonstop flight sa Cathay nga gilunsad sa dakbayan sa Davao… Ilawom sa Cathay Pacific Group regional airline, Cathay Dragon, ang airline nagpaila sa “four-time weekly service” gikan Hong Kong padulong sa Davao City.
Uban sa bag-ong serbisyo sa biyahe, ang direktang biyahe naghatag sa mga kustomer gikan sa Mindanao, ilabi na gyud sa Davao region og dugang opsiyon sa pagkonektar pinaagi sa Cathay’s hub ngadto sa kapin 200 destinasyon libot sa kalibutan.
“We are happy to extend Cathay’s signature airline experience to people from Davao and the rest of Mindanao. We hope that this route makes it easier for more people from around the world to discover the beauty, history and potential of Mindanao,” matud ni Cathay Pacific chief customer and commercial officer Paul Loo.
Ang mga eskedyul sa biyahe alang sa Hong Kong-Davao City (DVO) service gikan October 28, 2018 gitakda sa mga mosunod: Flight No. KA347 HKG-DVO 1235/1550 ug KA348 DVO-HKG 1650/2000 alang sa mga adlaw nga Martes, Miyerkules, Biyernes ug Dominggo… Ang average airfare alang sa biyahe ngadto sa Hong Kong moabot og $168 o mga P9,000.