30 C
Manila
Friday, March 29, 2024

Dipolog: World Cafe of Opportunities sa TESDA, niabot sa Dapitan

- Advertisement -

Subay sa selebrasyon sa ika-28 nga National Technical-Vocational Day, ang Technical Education and Skills Development Authority (TESDA) – Zamboanga del Norte nagpahigayon og World Café of Opportunities (WCO) kagahapong adlawa, Agosto 25 sulod sa Dapitan City Cultural and Sports Center.

Visit RPN DXKD Dipolog

Gisaysay ni TESDA Provincial Director Engr. Alan Bacatan nga ang WCO usa ka tinuig nga kalihokan sa ilang buhatan nga nagsilbing estratehikong pamaagi sa paghatag og kahigayonan sa mga nangitag trabaho sa lokal o sa gawas sa nasud.

Sa ika-28 nga kasumaran sa pagkamugna sa TESDA, si Regional Director Dan Navarro mipabati sa dakong pasalamat ngadto kang Congressman Romeo Jalosjos Jr., sa primero distrito sa Zamboanga del Norte, kang Gobernadora Rosalina “Nanay Nene” G. Jalosjos, ug kang Mayor Seth Frederick “Bullet” P. Jalosjos sa Dakbayan sa Dapitan kinsa matud pa wala’y pagduha-duhang mihatag sa libreng venue ug pagkaon alang sa mga nanambong.

Gani ang mga nahisgotang opisyales sa gobyerno gihatagan sa maong buhatan og Certificates of Recognition diin personal nga gidawat sa mga halandong representante nga sila Melvin Ondong, ang Chief of Staff ni Congressman Jalosjos, Jr., ang Provincial Public Employment Service Office (PESO) Manager Allan Khio para kang Gob Jalosjos, ug si Kathlyn Uyehara-Hamoy, ang representante ni Mayor Jalosjos.

Sa mensahe ni Mayor Bullet Jalosjos ng gipaambit ni Uyehara-Hamoy, nga iyang gidayeg ang mga paningkamot sa TESDA ug DOLE sa pagsulbad sa kawalay trabaho sa mga katawhan ug sa pagpili sa Dakbayan sa Dapitan isip venue sa maong aktibong kalihokan sa paghatag og trabaho sa mga nanginahanglan nga mga gradwado sa TESDA.

Lakip sa mitungha sa gipahigayong WCO mao ang 75 ka mga benepisyaryo sa scholarship grant ni Congressman Jalosjos, Jr. Ang mga iskolar sa kongresista migradwar sa kursong Automotive Servicing National Certificate Level I.

Nasayran gikan sa buhatan ni DOLE Provincial Director Aileen Mondejar, kinsa girepresentahan ni Labor and Employment Officer Joni Sarina Mejico, nga sa pagkakaron 9 ka lokal nga mga kompanya ang nagbukas ug 265 ka mga bakanteng trabaho samtang usa ka kompanya sa gawas sa nasud ang nagtanyag ug 843 ka mga bakanteng posisyon.

Gibutyag usab ni Supervising Statistical Specialist Sesenia Belorio sa Philippine Statistics Office (PSA) ning lalawigan nga sigon sa gimando sa Republic Act No. 11261 ang ilang opisina nagtanyag ug libreng Birth Certificate ngadto sa mga aplikante, basta mopakita sa mga rekisitos sama sa Valid ID, Oath of Undertaking, ug Barangay Certification nga nagpamatuod isip usa ka “first time jobseeker”.

(Source: Dapitan City Information Division Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -