Unom (6) ka mga indibidwal ang malampusong nahatagan og ayudang pinansiyal ilawom sa “Assistance to Individual in Crisis Situation” (AICS) sa Kagamhanang Lokal sa Dipolog pinaagi sa buhatan sa City Social Welfare and Development kagahapon, Agosto 24, 2022, sa City Mayor’s Office.
Gikataho nga si City Mayor Darel Dexter T. Uy mismo ang mihatag sa maong ayuda ngadto sa unom ka mga benepisyaryo. Nasayran nga ang unom ka nasangpit nga mga benepisyaryo maoy tipik lamang sa kinatibuk-ang onse (11) ka mga tawo nga gikatakdang makadawat ning maong ayuda.
Matud pa sa pakighinabi ngadto kang Chrystal Tan, usa sa mga benepisyaryo gikan sa Brgy. Turno, dako iyang pasalamat ngadto sa Kagamhanang Lokal ilabina kang Mayor Uy sa hinabang nga iyang nadawat alang sa iyang anak.
(Source: Dipolog City Government Facebook page)