Pinaagi ni Governor Rosalina “Nanay Nene Jalosjos ug sa pagpaningkamot ni Dapitan City Mayor Seth Frederick Jalosjos, adunay ipanghatag nga 5 ka kilong bugas sa kada Senior Citizen nga magpabakuna sa COVID-19 sugod Setyembre 19 hangtod 30 ning tuiga.
Kini ang nasayran ni Dapitan City Health Officer Dr. Rolito V. Cataluña, agig pagdasig ug pahalipay sa mga senior citizens sa dakbayan sa Dapitan nga magpa-1st dose, 2nd dose ug 1st booster sa COVID-19 vaccine.
Matud pa ni Dr. Cataluña nga gisubli nila ang maong pamaagi nga adunay pahalipay sa mupahimulos aron daghan ang ma-ingganyo ug mapanalipdan, maproteksyonan batok sa covid-19 nga sakit.
Asoy sa Doctor nga kinsa kadtong buot mupahimulos niini, duol lamang sa inyong barangay health Nurse o Midwives sa labing dali nga panahon.
Source:PROVINCIAL INFORMATION CENTER ZANORTE Facebook page