Gipahigayon ang usa ka “orientation” kabahin sa “OFW Reintegration” alang sa mga “Overseas Filipino Workers” kagahapon, Agosto 17, 2020 didto sa Museo Ground Floor, ning dakbayan sa Dipolog.
Ang maong kalihokan gipangunahan sa Overseas Workers Welfare Administration (OWWA) Region 9 uban sa pakigtambayayong sa Kagamhanang Lokal ning dakbayan pinaagi sa Public Employment Services Office (PESO).
Mitambong sa maong kalihokan sila si City Mayor Darel Dexter T. Uy ug PESO Manager, Mr. Carlo P. Deloria, kinsa mipa-abot sa ilang mensahe sa pagpasalamat ug pasidungog ngadto sa mga bayaning OFWs alang sa ilang sakripisyo ug kontribusyon nga mapalambo ang ekonomiya sa nasud bisan pa sa panahon sa pandemya.
Lakip usab sa mitambong ang mga representantes gikan sa OWWA Region 9 na sila si OWWA staff, Ms. Mary Gleaveal Tabasa ug Family Welfare Officer, Ms. Virna Mae P. Rosal, kinsa mituki may kalabot sa mga programa ug serbisyo nga gitanyag sa OWWA nga mahimong mapahimuslan sa usa ka OFW.
Nasayran nga mikabat sa dosyientos singkwenta (250) ka mga partisipantes gikan sa nagkalaing-laing dapit sa probinsya ang mitambong sa maong orientation.
(Source: Dipolog City Government Facebook page)