Ang Department of Education-Dipolog Schools Division, ning siyudad ang mipahigayon sa “ National Teacher’s Day Celebration” , Oktobre 3, ning tuiga didto sa Dipolog City Sports Complex, Olingan, uban sa temang “Gurong Pilipino, Dangal ng Sambayanang Pilipino”.
Si City Assistant Schools Division Superintendent, Lourma I. Poculan CESE, ang pormal nga nagbukas sa nasangpit nga kalihukan diin girekognisar niya ang tanang mga magtutudlo nga maoy naghatag og importanteng kontribusyon sa edukasyon alang sa mga kabataan.
Mitambong usab si Dipolog City Mayor Darel Dexter T. Uy, diin siya mapasalamaton sa tanang magtutudlo sa ilang serbisyo ug dedikasyon sa trabaho bisan pa man adunay nasinati nga pandemya.
Lakip usab sa mitambong mao si City Schools Division Superintendent Danny B. Cordova EdD. CESO VI nga naghatag usab og mensahe ngadto sa mga magtutudlo.
Aduna usa’y mga lectures nga gipahigayon diin lakip sa gihisgutan mao ang “Health” pinaagi ni Dr. Thea Kristelle V. Alonzo-Gahisan MO III ug “Personality Development” ni Maisalian Julian P. Acopiado ug mga kalingawan diin ang mga magtutudlo nagpakita sa ilang mga talent pinaagi sa pagkanta, “dance sport” ug “battle of the band competition”.
Lakip sa miduyog sa maong selebrasyon mao si CID Chief Amelinda D. Montero, kinsa maoy mipa-ila ni City Mayor Darel Dexter T. Uy isip “Keynote Speaker” sa nasangpit nga okasyon ug Roel V. Carpio Sr. isip DCDTF President.
(Source: Dipolog City Government Facebook page)